Colegio Trueba de Artxanda (Bilbo), Ángeles Custodios (Bilbo) eta Karmengo Ama (Zornotza) ikasleek parte hartu zuten urriaren 21ean egindako Bilboko jardunaldietan.
Urriaren 23an, Donostiako campusaren txanda izan zen, eta bertan parte hartu zuten El Pilar ikastetxeko (Irun) eta IES Txingudiko (Irun) ikasleek.
Saio hauen helburua arlo zientifiko-teknologikoekin lotutako lanbideak eta lan-aukerak ezagutaraztea da, euskal industria, zientzia eta teknologia sektoreko profesionalei elkarrizketen bidez, STEAM Sare sareari esker. Euskal gazteen matematika, zientzia eta teknologiarekiko interesa areagotzeko eta ikaskuntza hobetzeko elkarlanean aritzen diren zentro eta eragile sozioekonomikoen sarea da. Arlo eta profil ezberdinetako 33 profesionalek parte hartu zuten egun interesgarri hauetan.
Eusko Jaurlaritzaren STEAM Euskadi Estrategiaren baitan, orientazio profesionaleko jardunaldi hauek Zientzia, Unibertsitate eta Berrikuntza eta Hezkuntza Sailek sustatzen dituzte, Innobasque Berrikuntzaren Euskal Agentziarekin elkarlanean, eta oraingo honetan Deustuko Unibertsitateak antolatuta.
