GALAXIA programaren (https://steam.eus/galaxia/) helburua da 14 eta 17 urte bitarteko gazteen orientazio profesionala hobetzea, bereziki STEM arloekin lotutakoak (zientzia, teknologia, ingeniaritza eta matematika).
GALAXIA-Etorkizuna Argitzen programak helburu hauek ditu:
Horretarako, ikastetxeetako langileek prestakuntza-pakete bat dute eskura, programa, proposatutako jarduerak eta abian jartzea ezagutzeko saioak barne.
Ondoren, ikastetxean egingo den jarduera definituko dute, eta ikasleekin, familiekin eta/edo zentrotik kanpoko zientziaren eta teknologiaren arloko profesional boluntarioekin praktikan jarriko da. Pertsona horiek, halaber, STEM erreferente bihurtzeko prestakuntza jasoko dute ikasleentzat.
GALAXIA Bizkaiko Foru Aldundiaren «Bizkaia with the talent» ekimenaren parte da. Innobasque Berrikuntzaren Euskal Agentziak bultzatu du, Deustuko Unibertsitatearekin batera, eta euskal hezkuntza- eta teknologia-ekosistemako eragile estrategikoen lankidetza izan du, hala nola Mondragon Unibertsitatea, HETEL elkartea, Ikaslan LHko sare publikoa eta Eusko Jaurlaritzako Hezkuntza Saileko Berritzegune Nagusia.
