Kode Ordua

Oihane Zarate azaroa 30, 2016

Abenduaren 5etik 11ara Kode Ordua ospatzen da mundu-mailan. Ordu beteko konputazio zientzietara sarrera bat da, edonork programatzen ikasi dezakeela eta gaiari buruzko oinarriak ulertu ditzakeela erakusteko diseinatuta dagoena. Mugimendu globala da, zeina 180 herrialde baino gehiagoko ikasleetara heltzen dena.  Ekitaldiko informazio guztia hemen aurkitu dezakezue .

Parte izan nahi al duzu?

Trastean ekimen honetan parte hartzen dugu, abenduaren 5ean eta 7an, Deustuko Unibertsitatean, lehen hezkuntza eta bigarren hezkuntzako ikasleentzako tailerrak antolatzen. Zuen ikastetxeetan parte hartzeko interesa baldin baduzue, gurekin harremanetan jarri (trastea@deusto.es) zuen tailerra antolatzeko.

Gainera, zuen ikastetxeetan parte hartu dezakezue Kode Ordu bat antolatzen, edonon eta edonork Kode Ordu bat antolatu dezake eta. Ekitaldiko webgunean 30 hizkuntza desberdinetan topatzen den dokumentazioa eskuragai  dago, baliabideak eskeintzeaz gain, kode ordu bat  zelakoa den irakasteko.

Parte hartzera animatzen zaituztegu, bai unibertsitatera etortzen bai zuen ikastetxeetan kode ordu bat antolatzen. Gero zuen esperientzia Trastearekin partekatzea izugarri gustatuko litzaiguke!

HUERTIK El Salvador Maristas ikastetxean

Oihane Zarate azaroa 24, 2016
Huertik-ek, ikastetxeetan barazkiak landatzeko ideia erraza eskaintzen du lur eremu haundirik behar gabe. Oihal berezi bati esker, laborantza hazkundea sustatzen du substratu berezi bati esker. Horrez gain, gailu mugikor bati lotu daiteke berorren jarraipena egiteko. Horretarako, Huertik-en perretxikoa substratuan sartu eta mugikor batekin lotzea besterik ez da egin behar.
Hauxe da Bilboko El Salvador Maristas ikastetxeko 6.mailako ikasleak egin dutena. Ikasleak laborea bere gelan jarri zuten eta Trastearekin bere esperientzia partekatu dute.
Gelak hiru pertsona aukeratu zituen ureztaketaz eta sentsorearen kontrolaz arduratzeko. Hartutako datuekin datuen taulak eta grafikoak landuko dituzte gelan.

Huertik-ek gelan ortu bat izatea ahalbidetu die, ortuzain adituak bihurtuz, beste gaitasun generikoak praktikan jarri dituzten bitartean.

Ikastetxetik esperientziaren argazki bat bidali digute, eta arrakasta handia izan duela esan digute, hainbesteko arrakasta, zeina Agenda 21-eko taldeak lehen hezkuntzako gela bakoitzean Huertik bat ipini duen!

Huertik-ek irakasle eta ikasleentzako diseinatutako programa didaktiko bat dauka fitxa formatuan. Informazio gehiago nahi izatekotan bere web orrialdea begiratu.